Таныг нарны тос түрхэх үед бөмбөрч гуужиж унаж байсан уу? Тэгвэл нарны тос дараах шалтгаануудаас үүдэн гуужих боломжтой байдаг.
1. Арьсаа тогтмол гуужуулахгүй байх
Ялангуяа зуны улиралд хүний арьс хөлрөмтгий байдгаас үүдэн тогтмол гуужуулах шаардлагатай байдаг. Энэ нь арьсны өнгөн давхарга дээр олон тооны үхэжсэн арьс болон тослог, бохирдол зэргийг удаан хугацаанд гуужуулахгүй байдагтай холбоотой. Ингэхдээ скраб буюу физик гуужуулагчаас илүүтэйгээр химийн буюу зөөлөн гуужуулагчийг ашиглах нь арьсны давхаргыг цочроохгүй байхад тусалдаг. Хэрэв тослог арьстай бол долоо хоногт 1-2 удаа, хуурай арьстай бол 7-10 хоногтоо 1 удаа гуужуулахад хангалттай.
2. Нарны тос түрхэхээс өмнөх суурь
Нарны тос түрхэхээсээ өмнө хэт их орц найрлагатай хүнд чийгшүүлэгч, өглөөний арьс арчилгаанд хэт их бүтээгдэхүүн хэрэглэх болон буруу арьс арчилгааны дарааллаас үүдэн зарим тохиолдолд нарны тос түрхэх үед гуужиж бөмбөрөх боломжтой байдаг талаар АНУ-ын арьс арчилгааны мэргэжилтнүүд тайлбарласан байдаг. Мөн усан болон тосон суурьтай бүтээгдэхүүнүүдийг нэгэн зэрэг хэрэглэхгүй байхыг зөвлөдөг.
3. Нарны тосыг шууд түрхэх
Нарны тосыг хэрэглэхээс өмнөх арьс арчилгааг бүрэн шингэж амжаагүй байх үед шууд түрхэх нь бас нэгэн шалтгаан болж өгдөг. Суурь base, тосыг түрхсэнээс ойролцоогоор 2-5 минутын дараагаар нарны тосыг хэрэглэж хэвшээрэй.
4. Нарны тосоо буруу сонгох
Өөрийн арьсанд тохироогүй нарны тосыг хэрэглэх нь гуужих шалтгаануудын нэг юм. Нарны тосыг (chemical) химийн болон (physical) механик гэж ангилдаг.
Chemical нарны тос нь дотроо цайрын исэл болон титаны давхар исэл агуулж байдаг ба арьсны өнгөн давхарга дээр гадаргуу үүсгэж нарны туяаг ойлгох үйлчилгээг үзүүлдэг. Эмзэг, мэдрэмтгий арьсанд илүү тохиромжтой.
Механик нарны тос нь цайрын исэл болон титаны ислээс бусад идэвхтэй бодисуудыг агуулж байдаг. Энэ нь хамгаалалтын давхарга үүсгэхийн оронд арьсанд шингэж нарнаас ирсэн хэт ягаан туяаг дулаан болгож хувиргадаг ба улмаар нөсөө толбо үүсэх боломжийг бүрдүүлдэг.
Нарны тосыг зөв хэрэглэх дараах дадлуудыг зөвлөж байна.
Арьсаа тогтмол гуужуулж арьсны нүх сүвийг нээж өөрт тохирсон зөв арьс арчилгааг хийх хэрэгтэй ба орой бүр давхар цэвэрлэгээг хийх. Мөн арьс арчилгааны дарааллыг хамгийн шингэн бүтэцтэйгээс өтгөн бүтэцтэй рүү гэсэн дарааллаар арьсандаа түрхэж хэвших.
Нарны тосыг түрхэхдээ хурууны өндгөөр зөөлөн товших байдлаар түрхэх эсвэл цэвэрхэн спонж ашиглан тарааж өгөх нь нарны тосыг хүнд мэдрэмж төрүүлэхгүй байхад тусална.
Хэрэглэж буй бүтээгдэхүүн бүрийнхээ орц найрлагуудыг шалгаж хоорондоо ямар нэгэн урвалд оруулахгүй байх тал дээр анхаарах. Усан суурьтай химийн гаралтай нарны тос хэрэглэх гэж байгаа бол арьс арчилгааны бүтээгдэхүүн болон суурь бүтээгдэхүүнүүдээ усан суурьтайг сонгож дагнах хэрэгтэй.
