Уудаг ногоо аожирү гэж юу вэ?
Аожирү нь байцаа, бууцай зэрэг ногоон навчит ургамлын шүүсийг хэлдэг бөгөөд шингэн эсвэл хатааж боловсруулаад найруулж уудаг нунтаг хэлбэртэй байдаг.
Ногоон ургамлуудад ихээр агуулагддаг нийлмэл нүүрс ус болох эслэгийг уусдаг /пребиотик/ болон уусдаггүй гэж ангилдаг. Уусдаг эслэг нь бүдүүн гэдэсний ашигт бактериудын дуртай хоол юм. Вандуй, шар буурцаг, хөх тариа, овьёос, арвай, чавга, гадил, алим, броккли зэрэг ихээр агуулагддаг. Уусдаггүй эслэг нь усыг өөртөө татдаг учир өтгөнийг хэвийн гадагшлахад тусалж өтгөн хатахаас сэргийлдэг.
Эслэг нь өтгөн ялгаралтыг нэмэгдүүлснээр ходоод гэдэсний замаас хортой нэгдлүүдийг богино хугацаанд гадагшлуулж цэвэршүүлэх нөлөөтэй. Мөн түүнчлэн өөх тосны шимэгдэлтийг бууруулах замаар цусан дахь өөх тосны / холестерины/ түвшинг багасгана. Биеийн жингээ тогтмол барих жингээ хасах хүсэлтэй хүмүүс хэрэглэхэд тохиромжтой.
Аожирү нь эслэгээс гадна витамин А, В,С,К болон фолийн хүчил, кальци, төмөр, цайраар баялаг байдаг.
Өдөрт 1-2 уутыг шингэн зүйлд найруулж хэрэглэснээр ногооноос авах ёстой эслэг болон амин дэм, эрдэс бодсын хэрэгцээгээ хангах боломжтой.
