Гоо сайхны тухай ярилцахад бид бүгд эмэгтэйчүүдийн тухай боддог. Гэхдээ ЯАГААД ?
Ихэнх эрчүүд арьсандаа анхаарал тавих хэрэггүй, арьс арчилгааны бүтээгдэхүүн нь зөвхөн эмэгтэйчүүдэд зориулсан гэж боддог байх. Гэтэл арьс арчилгаа нь эрэгтэй хүмүүст ч бас ялгаагүй маш чухал зүйл. Тэр тусмаа монгол эрчүүдийн маань дийлэнх нь халуун хүйтэн хавсарсан, нар салхинд, тоос шороотой, хүнд нөхцөлд ажилладаг боловч арьс арчилгаандаа анхаарал тавилгүй явсаар тослогдсон, нүх сүв ихтэй, батгажсан, овор нэмсэн, өнгөө алдсан арьстай болчихсон байдаг. Тиймээс энэ удаад эрчүүддээ арьс арчилгааны талаар зайлшгүй мэдэж байх ёстой, өөртөө хэвшүүлэх 5 дадлыг танилцуулж байна.
Тоник /Лосьон/: Нүүр цэвэрлэгч нь нүүрний бохирдлын 80 орчим хувийг авдаг бол, дараа нь тоник хэрэглэснээр үлдсэн 20 хувийн гүн бохирдлыг цэвэрлэдэг бөгөөд арьсыг зөөлөн чийглэг болгон нүхийг агшаах зориулалтай бүтээгдэхүүн юм. Тоник нь хөвөнд шингээж арчдаг, шууд нүүр лүү цацдаг (mist) гэсэн хоёр төрлийн хэлбэр, савлагаатай байдаг. Тоник хэрэглэж арьсныхаа нүх сүвийг агшааж, арьсны хүчил шүлтийг тэнцвэржүүлснээр гадны тоос шороо, нян бактераас хамгаалж өгөх нэгэн хөшүүрэг болж өгөх юм. Тиймээс тоник сонгон, өдөр тутамдаа хэрэглэж сураарай. 
Чийгшүүлэх: Эрчүүд маань нүүрээ чийгшүүлэх гэдгийг тос түрхэхээр л төсөөлж байж магадгүй. Бидний арьс нүүрээ угаах болгонд, бүүр гадаа гаралгүй гэртээ байсан ч гээд ер нь байнга чийгшлээ алдаж, хуурайшиж байдаг. Арьс чийгээ алдсаны шинж тэмдэг бол арьс таталдах, өнгөө алдах, тослог гялтганаж харагдах, улайж эмзэг болох зэрэг шинж тэмдгүүд илэрдэг. Тиймээс таны арьс тослог болон хуурай арьс ч бай арьсандаа чийг өгөх нь хамгийн чухал. Арьсаа чийгшүүлэхийн тулд өөрт тохирсон чийгшүүлэгч хэрэглэх, 7 хоногтоо дор хаяж 2-3 удаа маск тавьж байх, өдөрт 1,5-2л ус ууж хэвшвэл та арьсныхаа чийгшлийг нөхөж чадна.
Нарны тос хэрэглэх: Нарны тосыг хүн бүр заавал хэрэглэх хэрэгтэй байдаг. Яагаад гэж үү? Учир нь нарны хэт ягаан туяа нь таны арьсыг хуурайшуулж, нөсөө толбо үүсгэж, цагаас нь эрт хөгшрүүлдэг хамгийн том хэрэгтэн юм. Хүйтэн сэрүүний улирал, бүрхэг бороотой, цастай өдөр ч байсан хамаагүй нар тэнгэрт мандсан л бол нарны тос хэрэглэх нь зайлшгүй. Ялангуяа Монгол улс шиг жилийн 230-260 өдөр цэлмэг нартай, эрс тэс уур амьсгал давамгайлсан цаг уурын нөхцөлд арьсаа бүр ч илүү хайрлан хамгаалах хэрэгтэй. Нарны тос бидний арьсыг зөвхөн нарны хэт ягаан туяанаас гадна орчны бохирдол, ширүүн салхи, тоос тоосонцроос хүртэл хамгаалдаг. Тиймээс нарны тосыг өдөр бүр хаашаа ч явсан хамт авч явж өдөр бүр хэрэглэж хэвшээрэй. 
7 хоногт 2-3 удаа гуужуулах: Хүний арьс үргэлж гуужиж, 21-28 хоногт шинэчлэгдэж байдаг бүтэцтэй. Гуужилт явагдах үед үхэжсэн арьс нь хөлс болон бусад бохирдлуудтай нийлж арьсны нүх сүвийг бөглөдөг бөгөөд үүнээс шалтгаалж целлюлит ихсэх, тууралт гарах, түүний нөлөөгөөр арьс хурдан хөгшрөх үйл явц түргэсдэг. Гуужуулагч нь энгийн нүүр угаагчаар арилдаггүй хар батга, үхэжсэн арьсны бөөгнөрлийг гүн цэвэрлэж таны арьсыг гуужуулан шинэ арьсыг бий болгож өгнө. Наранд түлэгдэж борлосон нүүрэнд бүр ч сайн. Тиймээс арьсаа 7 хоногтоо 2-3 удаа гуужуулж үхэжсэн эд эс болон бохирдсон арьсаа гүн цэвэрлэж байгаарай.
Энэхүү 5 дадлыг та арьс арчилгаандаа хэвшүүлж чадвал таны арьс эрүүл чийглэг, толигор, өнгөлөг болж та өөртөө улам илүү итгэлтэй болох болно.
Энэхүү нийтлэл таалагдсан бол хайртай дотны хүмүүстэй хуваалцаарай.
