Арьсаа улиралд тохируулан хэрхэн арчлах вэ?

Улирал солигддоход агаарын темпратур өөрчлөгдөж  арьсанд үзүүлэх сөрөг нөлөө их болдог. Ялангуяа монголын цаг агаар эрс тэс  учир агаарын урсгал,  чийгшил  байнга өөрчлөгдөж энэ нь арьсанд таагүй нөлөө үзүүдэг. Мөн улирал солигдход хүний биеийн дархлаанд өөрчлөлт орж  бодисын солилцоо өөрчлөгддөг. Ингэснээр арьсны тослог ялгаралт болон коллаген хиалорун гэх мэт арьсыг бүрдүүлж байдаг хэрэгтэй уургуудын нөхөн төлжилтөнд саад болдог байна. Ингэснээр арьсны хамгаалалтын давхрага алдагдаж эвэрлэг давхарга гэмтэн арьс чийггүй болж хуурайших, эмзэгших, батгашилт бий болох гээд  арьсны сөрөг асуудал үүсч эхэлдэг. Иймээс улиралд тохируулан арьсаа арчлах нь залуу үзэсгэлэнтэй  арьстай байх хамгийн чухал зүйл юм.

Намрын улиралд арьсаа хэрхэн арчлах вэ?

Намар ирж, температурын өөрчлөлттэй зэрэгцээд зарим гоо сайхны бүтээгдэхүүнээ шинэчлэх, өөрчлөх цаг болжээ. Шингэн тос түрхдэг улирал өнгөрчээ, хөнгөн суурь ба зуны тусгай бүтээгдэхүүнүүд. Шинэ улирал эхлэхийн хэрээр хүрээлэн буй орчны чийгшил, хүйтний эрч чангарахгүй байхын тулд гоо сайхны дэглэмийг илүү зохистой бүтээгдэхүүнээр өөрчлөх шаардлагатай байна.

Намрын улиралд  агаарын чийгшил багасдаг тиймээс арьсны чийгшил багасаж хуурайших өнгөө алдах зэрэг асуудал үүсдэг. Энэ үед арьсандаа усан суурьтай гэхээс илүү тосон суурьтай серамидын найрлагатай бүтээгдэхүүн сонгон хэрэглэх нь маш чухал. Мөн энэ улиралд нэмэлт арьс арчилгааг хийх нь арьсаа гэмтэхээс хамгаалж алдагдсан шим тэжээлийг нөхөж  өгдөг давуу талтай. Нэмэлт арьс арчилгаандаа маскыг байнга хэрэглэх хэрэгтэй. Хөвөн даавуун маск нь эссэнцний найрлага их байдаг бөгөөд арьсны асуудлыг шийдхэд хамгийн үр дүнтэй арьс арьчилгааны бүтээгдэхүүн юм.

Өвлийн улиралд арьсаа хэрхэн арчлах вэ?

Өвлийн улиралд  дулаан газраас гудамжинд ороход, гарах температурын зөрүү нь арьсанд илүү их хор учруулдаг. Үүний хортой нөлөөг зөөлрүүлэхийн тулд гарахынхаа өмнө орцондоо хэдэн минут бол. Энэ үед арьс хүйтэнд бага зэрэг дасч эхэлдэг. Үүнээс гадна өвөл арьс хүйтний нөлөөгөөр улайдаг ялангуяа хамар, хацар. Үүнийг анхааралдаа авах хэрэгтэй. Учир нь тонжуулагч кремүүд нь ихэвчлэн өнгөгүй байдаг тул таны нүүр царай хачин өнгөтэй харагдах үе байдаг. Иймээс өвлийн улиралд пудр хэрэглэх нь илүү зохимжтой. Өвлийн улиралд гоо сайхны бүтээгдэхүүн тослог суурьтай байвал сайн.

Та арьсаа долоо хоногт 1-2 удаа тогтмол гуужуулагчаар цэвэрлэж байх хэрэгтэй. Ингэхгүй бол хуучин арьс арьсны нүх сүвийг бөглөж, бохирдол үүсгэн, чийг тосны тэнцвэрийг алдагдуулдаг байна. Үүнээс үүдэж батга гарах, будаг шингэхгүй байх зэрэг асуудлууд үүсдэг. Өвлийн улиралд усны агууламж өндөртэй хүнсний бүтээгдэхүүн хэрэглээрэй. Тухайлбал, лууван, улаан лооль болон бусад бүх төрлийн жимс жимсгэнийг дангаар нь жүүс болгон хэрэглэх боломжтой. Зөгийн бал, өргөст хэмх, тараг, гадил, зуун наст зэрэг нь чийгшил өгөх хамгийн үр дүнтэй хүнсний бүтээгдэхүүнд тооцогддог байна. Тиймээс эдгээрийг ашиглан өөрийн гараар маск бэлдэж, нүүрэндээ долоо хоногт 2-4 удаа тавьж байгаарай.