Бид өдрийн турш нүүрэндээ наалдсан бохирдлыг цэвэрлэн арьсаа амрааж үдшийн турш тухтай амраах нь өглөөг эрч хүчтэй угтах гол түлхүүр болдог. Мөн бид бүгдийн хүсэн хүлээсэн шинэ жил ирж бүхий л охид бүсгүйчүүд маань хамт олон, найз нөхөд, гэр бүлтэйгээ шинэ жилээ тэмдэглэн хамгийн үзэсгэлэнтэй нь байхын тулд хүнд, тод будалт хийдэг.
Энэ бүхний дараа тэрхүү хүнд будалтыг хэрхэн зөв, бүрэн гүйцэд цэвэрлэх вэ? Арьсаа бүрэн сайн цэвэрлэх хамгийн үр дүнтэй арга нь өнгөн давхарга, гүн цэвэрлэгээ зэргийг давхар хийх юм.
Арьс цэвэрлэгээний үе шат
1. Будгаа арилгах-Хүний нүүрний арьс нь 3н давхаргаас бүрддэг бол зовхи орчмын арьс нь 2 давхаргаас бүрддэг учраас МАШ ЭМЗЭГ байдаг. Тиймээс будгаа арилгахдаа нүд хэсгийн будгийг тусгайлан арилгах хэрэгтэй байдаг. Ингэснээр таны нүд орчимд үрчлээ үүсэхгүй, сормуус унахгүй давуу талтай. Мөн суурь будгаа арилгахдаа будалтынхаа хэмжээнээс хамаараад будаг арилгагчаа сонгох нь зүйтэй.
Будаг арилгагч бүтээгдэхүүнүүдийг будаг арилгах чадвар болон төрлүүдээр нь эрэмбэлбэл:
Тосон цэвэрлэгч: Гүн тод будалт хийсэн үед тосон цэвэрлэгч хамгийн үр дүнтэй, бүрэн цэвэрлэх ба тосон цэвэрлэгчийг арьсандаа жигд түрхэн араас нь гараа норгож байгаад нүүрэндээ иллэг хийх маягаар тосон цэвэрлэгчийг сүүн хэлбэрт оруулаад бүлээн усаар угаана.
Жель цэвэрлэгч: Гүн тод будалт хийсэн үед мөн адил хэрэглэхэд тохиромжтой ба арьсны гадаргууд түрхэхэд хялбар хурдан тархаж массаж хийхэд тохиромжтой. Нүүрний будгийг сайтар уусган цэвэрлэхийн хамт нүх сүвэнд орсон бохирдлыг сайтар уусган цэвэрлэнэ. Арилгахдаа усаар маш сайн зайлах хэрэгтэй.
Усан цэвэрлэгч: Өдөр тутмын будаг арилгахад илүү тохиромжтой цэвэрлэгч ба dудагтай нүүрэн дээрээсээ шууд хөвөнд шингээж аваад арьсаа зөөлөн арчиж хэрэглэнэ.
Сальфиткан цэвэрлэгч: Энгийн, натурал будалтыг арилгахад илүү тохиромжтой ба будгаа хялбархан хурдан арилгах боломжтой хэрэглэхэд хялбар бүтээгдэхүүн юм. Хэрэглэхдээ будагтай нүүрэн дээрээ зөөлөн дарж арчиж цэвэрлэнэ. Дараа нь ус эсвэл угаагчаар угааж болно.
2. Гуужуулах- Арьсны үхэжсэн хэсгийг үргэлж гуужуулж байх ёстой ба хуучин арьсыг гуужуулснаар арьс булбарай, цэвэрхэн болдог.
Гуужуулах бүтээгдэхүүнүүдийг хэлбэр төрлүүдээр нь:
Желин: Зөөлөн гуужуулах бөгөөд арьсанд чийгшил өгнө
Ширхэгтэй: Эвэрлэг давхарга нь зузаарсан, холимог, тослог арьсанд илүү тохиромжтой
3. Угаах- Нүүрээ угаахдаа 37℃-аас ихгүй усаар нүүрээ норгох ба угаагчаа өтгөн зөөлөн хөөс болгон нүүрэндээ түрхэн дотор талаас нь гадагш чиглэлтэй хагас тойрог үүсгэн массажилж цэвэрлэнэ. Ингэснээр нян үржих таатай орчин устах болно.
