Аялал, амралт сайхан өнгөрсөн хэдий ч ажилдаа орох гэтэл наранд түлэгдэж, борлосон арьснаасаа бага зэрэг ичиж даруй цайруулмаар байгаа биз? Дараах арьс цайруулах аргуудаас өөрийнхөө арьсны онцлогт тохирсныг нь сонгож арьсаа “гялс” цайруулаарай. Мэдээж нэг өдрийн дотор арьс тань цайрчихгүй ч гэлээ өдөр бүр эрчимтэй арчилснаар богино хугацаанд цайрах боломжтой.

 

Ус сайн ууж, түлхүү жимс ногоогоор хооллосноор таны арьсны борлож, гандсан өнгөн давхарга гуужиж, арьсны нөхөн төлжих үйл явцыг хурдасгана. Аль болохоор дахин боловсруулсан хүнсний бүтээгдэхүүнээс татгалзахыг хичээгээрэй. Амин дэмээр баялаг, тэр дундаа А, С, Е витамин агуулсан хүнс хэрэглэх нь арьсыг тань илүү эрүүл бас өнгөлөг харагдуулах болно. Мөн түүнчлэн үс, хумс, арьсны эрүүл байдлыг хангах Омега 3-аар баялаг хүнс болох загасны тос, өндөг, бууцаа, брокколи, антиоксидантаар баялаг ногоо, нэмэлт амин дэмийг хүнсэндээ  түлхүү хэрэглэж заншаарай. Өдөр бүр нарийн ногоог шинэ хэвээр нь хэрэглэхэд хэцүү байдаг шүү дээ. Тэгвэл хүнсний нэмэлт бүтээгдэхүүн шууд найруулаад хэрэглэж болдог ногоон ургамлын шүүс, ногоог өндөр тунгаар агуулсан ундаа гэх мэт бүтээгдэхүүнүүд  хэрэглэж хэвших хэрэгтэй.

 

Хамгийн чухал зүйлс:

 

1. Арьс цэвэрлэгээ- Өглөө оройд арьсаа өөрт тохирсон цэвэрлэгээний бүтээгдэхүүнээр маш сайн цэвэрлэх нь маш чухал. Арьсаа цэвэрлэж нүх сүвийг онгойлгох нь арьсны эд эс нөхөн төлжихөд чухал үүрэгтэй.

 

2. Өөрт тохирсон арьс арчилгааны иж бүрдэл сонгож хэрэглэх- Цэвэрлэж нүх сүвийг онгойлгосон арьсаа тэжээлээр хангах нь маш чухал. Арьсанд чийг болон тэжээл дутагдсанаар арьсны меланин идэвхтэй ялгарч арьсны өнгийг гундааж үхмэл харагдуулдаг. Иймээс өглөө оройн арьс арчилгаандаа лосьон, сүүн шингэн, тос зэрэг ком бүтээгдэхүүн хэрэглэх нь арьсыг гэрэлтсэн тунгалаг харагдахад тусална.

 

3. Нэмэлт арьс арчилгаа-Витамин С болон эхэсийн найрлагатай өдөр тутмын маск заавал хэрэглэх. Маск нь таны арьсанд хэрэгтэй үйлчилгээг түргэн хугацаанд өгч чадах супер туслагч байж чадна. Сальфиткан маскны хөвөн даавуунд эссэнц ихээр агуулагдсан байдаг тул үр дүнгийн хувьд өндөр байдаг.

 

4. Гуужуулагч хэрэглэх- 7 хоногтоо 1-2 удаа заавал гуужуулагч хэрэглэх. Арьсны нөхөн төлжилтийг сайжруулахын тулд наранд борлосон үхэжсэн арьсыг гуужуулж авах нь маш чухал юм. Ингэснээр шинэ арьс бий болж арьсны өөрийн өнгө сэргэж гэрэлтсэн харагдана.

 

5. Нарны тос заавал түрхэх- Нарны хэт ягаан туяа нь арьсны гүний давхаргад хүрснээр меланин ялгарч арьсны өнгийг гундсан бараан харагдуулдаг байна. Иймээс нарны хэт ягаан туяанаас арьсаа хамгаалж нарны хамгаалалтын тос болон крем өдөр тутамдаа заавал хэрэглэж хэвших нь маш чухал.

 

Түргэн хугацаанд арьсаа цайруулахад нойр маш чухал. Хачин сонсогдож байгаа биз? 7-9 цаг унтаж, хангалттай амарсан үед хүний биеэс  арьсны байгалийн антиоксидант болох мелатонин гэх даавар ялгардаг. Мөн энэ үед арьсны эсийн задралын хурд нэмэгдэж, арьс үрэвслээ эдгээж, шинээр нөхөн төлжиж байдаг аж. Арьс хурдан нөхөн төлжиснөөр наранд борлосон арьс гуужиж шинэ арьс цаанаас гарч ирдэг тул арьсаа нөхөн төлжүүлэх нь маш чухал юм.