Аялалд гарахын өмнө юун түрүүнд бүрэн бэлтгэлээ хангах хэрэгтэй. Үүний тулд шаардлагатай зүйлсийн жагсаалт гаргаад, түүнийхээ дагуу бэлтгэл хангаарай.

Аялалд заавал авч явах зүйлсийг жагсаалтыг та бүхэндээ хүргэж байна.

Аялалын туршид анхаарах чухал зүйлсийн нэг бол арьсаа нарны хэт ягаан туяанаас хамгаалах юм. Яагаад гэвэл арьсны хөгшрөлтийн 80% нь нарны хэт ягаан туяанаас үүсдэг байна. Та аялалдаа дараах гоо сайхны бүтээгдэхүүнийг заавал авч яваарай. 

Нарны хамгаалалттай тос

-Нарны хамгаалалттай спрей- Өдрийн турш нарны хамгаалалтаа  сэргээх.

-Нарны шил-Зовхи орчмын арьс маш эмзэг байдаг тул нарнаас хамгаалсан шил зүүж хөгшрөлтөөс хамгаалаарай.

-Саравчтай малгай-Зуны халуунд нарших аюултай байдаг тул малгай заавал өмсөөрэй.

-Шавьж үргээгч майхны хаалт-Шөнө унтаж байхад таныг тухгүй байлгах зүйл бол шавж юм. 

-Шавьжаас хамгаалах мист, тос түрхлэг-Зуны орой шумуул бол тайван байдал эвдэгч. Тийм учраас та бүхэн шумуулыг үргээх цацлага болон тосоо заавал авч яваарай. 

Хээр буудаллахад хэрэгтэй зүйлс

-Майхан

-Мишок, дэр, гудас

-Чийдэн, батерей, зай

-Аяны сандал, ширээ

-Майхнаас өлгөх гэрэл

-Шаардлагатай багаж, хэрэгсэл

Багажны жижиг хайрцаг /отверка, бахь, алх, наалддаг тууз гэх мэт/

-Мод хагалахад хэрэглэх сүх

-Хээрийн гал тогоо

-Ундны цэвэр ус, усны сав

-Гаазан плитка, гааз

-Асаагуур, чүдэнз

-Тогоо, тогооны бариул

-Аяны аяга, таваг, халбага, сэрээ

-Махны мод, хутга болон бусад хэрэгслүүд

-Бөглөө онгойлгогч, лааз онгойлгогч

-Аяга таваг угаах шингэн болон зүлгэгч

-Хогийн уут

-Гал тогооны алчуур

Хувцас

-Полифер/polyester/ материалтай амархан хатдаг хувцаснууд

-Нар, шавьжнаас хамгаалах урт ханцуйтай цамц

-Хөнгөн, биед эвтэйхэн гадуур хувцас

-Борооны цув

-Сэрүүн орой түүдэг тойроод суухдаа өмсөх дулаан цамц

-Нар, салхинаас хамгаалах малгай

-Нуур, голтой газар явж байгаа бол усны хувцас

-Алхахад зориулсан хөнгөн, хөлд эвтэйхэн спорт гутал

Аялах үед танд тийм ч олон хувцас хэрэггүй. Яг одоо авч явъя гэж бодож байгаа хувцасныхаа талыг нь авч явахад л хангалттай гээд боддоо. Угааж цэвэрлэхэд амархан хатчихдаг, хөнгөн, зай бага эзлэх, солиод өмсчих цөөхөн боловч хэрэгтэй хувцаснуудаа аваад явахад л болно. Ачаа ихдэчихээр төвөгтэй байдаг шүү, тийм ээ?

Эрүүл мэнд & Ариун цэвэр

-00 цаас, хуурай болон нойтон салфетка

-Гар ариутгагч болон амны хаалт

-Шүдний оо, сойз

-Микро мяндсан буюу microfiber материалтай амархан хатдаг гар нүүрийн алчуур

-Анхны тусламжийн хайрцаг

Шаардлагатай эмүүд /харшлын эм, гэдэсний эм, зүрхний эм, халуун буулгах эм гэх мэт/

Коронавирусын цар тахлын аюул тааварлашгүй хэвээр байгаа энэ үед хөдөө хээр явахдаа ч амны хаалт, гар ариутгагчаа байнга биедээ авч яваарай. Шим тэжээлтэй хүнс хэрэглэж, нойроо бүтэн авч дархлаагаа дэмжээрэй.

 

Нарны хордлогод орвол толгой өвдөж, бөөлжих, суулгах шинж тэмдгүүд илэрнэ. Сэтгэл ханамжтай, санаа зовох зүйлгүй аялахын тулд нарнаас өөрийгөө болоод гэр бүл, найз нөхдөө хамгаалаарай.

Нэмэлтээр авч явах зүйлс

-Утас, гэрэл зургийн камер, чийдэн зэргээ цэнэглэх аяллын нарны самбар

-Дуран

-Унших ном эсвэл KINDLE

-Аяллын тэмдэглэл хөтлөх дэвтэр, үзэг, харандаа

-Авсаархан спикер

-Бөөнөөрөө тоглож болох тоглоомууд /хөзөр, даалуу, саятан гэх мэт/